Միացյալ Նահանգները պատրաստ է աջակցել Ադրբեջանի և Հայաստանի միջև խնդիրների լուծմանը: Interfax-ի ադրբեջանական ծառայության փոխանցմամբ՝ այս մասին ասել է Բաքվում ԱՄՆ դեսպան Լի Լիտցենբերգերը:
«Բոլորի համար պարզ է, որ երկրների միջև մինչև այժմ կան բազմաթիվ չլուծված խնդիրներ: Դա երկար գործընթաց կլինի, և այդ խնդիրները կարգավորելու համար հանդիպումներ ու համատեղ աշխատանք կպահանջվի», – լրագրողներին ասել է դեսպանը:
Նրա խոսքով՝ Վաշինգտոնը «փնտրում է ցանկացած հնարավորություն»՝ օգնելու լուծել Ադրբեջանի և Հայաստանի միջև խնդիրները:
Որպես օրինակ Լիտցենբերգերը բերել է Նյու Յորքում ՄԱԿ-ի գլխավոր վեհաժողովի շրջանակներում ԱՄՆ պետքարտուղարի տեղակալ Վիկտորյա Նուլանդի առանձին հանդիպումները Ադրբեջանի և Հայաստանի արտգործնախարարների հետ։