Ոստիկանությունն ու Փրկարար ծառայությունն անցել են ուժեղացված ծառայության:
Այս մասին հայտնում են Ներքին գործերի նախարարությունից:
«Հաշվի առնելով հանրապետությունում եղանակային պայմաններն ու տեղումները՝ ՆԳ նախարարի հանձնարարականով ուժեղացված ծառայության են անցել Ոստիկանությունն ու Փրկարար ծառայությունը։
Ոստիկանները և փրկարարները կարգավորում են երթևեկությունը, օգնում վարորդներին։
Հարգելի՛ վարորդներ, անվտանգության նկատառումներից ելնելով՝ հորդորում ենք երթևեկել բացառապես ձմեռային անվադողերով, լինել առավել ուշադիր՝ խստագույնս պահպանելով ճանապարհային երթևեկության կանոնները»,- ասված է հաղորդագրության մեջ:
