Արենի գյուղի մոտակայքի քարանձավում տարիներ առաջ հնագետները հայտնաբերեցին խաղողի տարաներ, բաժակներ եւ խաղողի կորիզներ, ինչն ապացուցում է, որ Հայաստանում գինի են պատրաստել ավելի քան 6000 տարի առաջ:
Արենիի գինեգործական համալիրը համարվում է աշխարհում հնագույնը և թվագրվում է մ.թ.ա. 4-րդ հազարամյակով։
Այն ապացուցվում է ինչպես կառուցվածքային առանձնահատկություններով, այսինքն՝ գինեգործությանը հատուկ թեք հարթությամբ (երբ ճզմել են խաղողը, դրա միջոցով խաղողի հյութը հոսել է հատուկ տեղ, որտեղ էլ հասունանում էր համապատասխան աստիճանի) և հնձանի հարևանությամբ հողի մեջ թաղված հսկայական կարասների առկայությամբ, այնպես էլ կարասում խաղողի կորիզների և եղեգնի սնամեջ ցողունների մնացորդներով։
Հատկանշական է, որ գտնված խաղողի կորիզները լիարժեքորեն համապատասխանում են ներկայիս Արենի տեսակի խաղողի կորիզներին։
Լուսանկարում Արենի 1 հնավայրն է, որը տեղացիների մոտ հայտնի է Թռչունների քարանձավ անվամբ։
«Թոնդրակ»
