ՀՀ վարչապետի պաշտոնակատար Նիկոլ Փաշինյանն այսօր՝ մայիսի 9-ին, Հաղթանակի օրվա առթիվ այցելել է Եռաբլուր պանթեոն:
Նա մոտենում է զոհված երիտասարդների շիրիմներին, խոնարհվում եւ ծաղիկներ դնում:
Նրա թիկնազորի անդամները թույլ չէին տալիս NEWS.am-ի եւ Tert.am-ի լրագրողներին մոտենալ Փաշինյանին:
Tert.am-ի լրագրող Անի Գեւորգյանը հեռվից հարց ուղղեց. թե ինչ խղճով է Եռաբլուր գալիս, այստեղ գալիս ինչ զգացողություն է ունենում, Փաշինյանը, սակայն թիկնազորի անդամները թույլ չէին տալիս նրան մոտենալ վարչապետի պաշտոնակատարին: «Ինձ հանգիստ թողեք»,-ասաց լրագրողը, իսկ վարչապետի խոսնակ Մանե Գեւորգյանն էլ ասաց. «Անի ջան, կարո՞ղ է իրա հետ զրուցենք մի հատ»:
Քիչ անց մոտեցան նաեւ ոստիկանության աշխատակիցներ, որոնք արգելուm էին երկու լրատվամիջոցների լրագրողներին մոտենալ Փաշինյանին:
Հարցին, թե ինչու մեկ այլ լրատվամիջոցի թույլատրում են, իրենց՝ ոչ, ոստիկանն ասաց, թե ծառայություն են իրականացնում. «Դիմեք համապատասխան մարմինների»։