Այսօր լրագրող Փայլակ Ֆահրադյանը ֆեյսբուքյան իր էջի ուղիղ եթերում հայտարարեց, որ նախարար Հակոբ Արշակյանը սրճարանում հարձակվել է իր վրա, ինչից հետո հայտնի դարձավ, որ հարձակման մասին հաղորդումը ՀՀ գլխավոր դատախազությունն ուղարկում է Հատուկ քննչական ծառայություն նյութեր նախապատրաստելու համար։
Մեզ հայտնի են դարձել միջադեպի բացառիկ մանրամասները, ինչպես նաև մեր ձեռքի տակ է հայտնվել սրճարանում տեղի ունեցած միջադեպի նոր տեսագրություն։
Պարզվում է ԲՏԱ նախարար Արշակ Հակոբյանը ճաշելիս է եղել կնոջ հետ, վերջիններիս մոտեցած լրագրող Փայլակ Ֆահրադյանը սկսել է տեսանկարահանել վերջիններիս, հարցեր է ուղղել նախարարին, թե ինչ է անում աշխատանքային ժամին սրճարանում։ Ինչից հետո նախարարը պատասխանել է, որ գիշերային ժամերին էլ է աշխատում ու խնդրել է անջատել տեսախցիկը։
Lրագրողն անջատել է տեսախցիկը ու Հակոբ Արշակյանին ասել, որ եթե նա նախարար է, դա չի նշանակում որ իր հետ կարող է այդպես խոսել։
Լրագրողը նախարարի հետ բանավիճելիս վերջինիս կնոջ ներկայությամբ օգտագործել է անպարկեշտ արտահայտություններ, իսկ հեռանալիս, երբ բարձրանում էր սրճարանի 2-րդ հարկ, անգամ հայհոյանք է հնչեցրել, ինչն էլ հունից հանել է Հակոբ Արշակյանին, և դարձել է հետագա քաշքշուկի պատճառ։
Սրճարանում տեղի ունեցած միջադեպի տեսաձայնագրությունը ներկայացնում ենք ստորև։
