Այսօր 13։00-ին 2-3 տասնյակ անձինք ակցիա են իրականացրել պաշտպանության նախարարության դիմաց այսպես կոչված՝ ի աջակցություն Զինված ուժերի Գլխավոր շտաբի պետ Օնիկ Գասպարյանի ու Հայոց բանակի։
Ակցիան վերջիններիս ու հայտնի շրջանակների կողմից ներկայացվել է որպես զինվորականների ակցիա, ովքեր սատարում են քաղաքական հայտ ներկայացրած Օնիկ Գասպարյանին։
Սակայն ակցիայի՝ ընդամենը 2-3 տասնյակ մասնակիցների մեջ գրեթե չկան զինվորականներ, իրականում դրանք նույն Բաղրամյան պողոտայում բողոքի ցույցեր կազմակերպող անձինք են, ովքեր սատարում են Վազգեն Մանուկյանին, և ինչպես հենց իրենք հայտարարեցին, ՊՆ-ի մոտ ակցիայից հետո պատրաստվում են միանալ Վազգեն Մանուկյանի այսօր հրավիրած հանրահավաքին։
Ակցիայի մասնակիցների մեջ էր նաև ՀՀԿ-ական նախկին պատգամավոր Արման Սաղաթելյանը, ով զինվորական համազգեստով ՊՆ-ի դիմաց ակցիային մասնակցելուց հետո ինչպես ինքը հայտարարեց, միանալու է ընդդիմության՝ Վազգեն Մանուկյանի հրավիրած հանրահավաքին։
ՊՆ-ի դիմաց կազմակերպված ակցիայի ընդամենը 2-3 տասնյակ մասնակիցները նույն «Հայրենիքի փրկության» շարժման մասնակիցներն են, ովքեր փորձում են պաշտպանել Սերժ Սարգսյանի հետ գործարքի գնացած Օնիկ Գասպարյանի ռազմական հեղաշրջման փորձերը։