Ռուսաստանի հայերի միություն մամուլի ծառայությունը ֆեյսբուքյան էջում հայտնում են, որ Ռուսաստանի Հայերի միության ղեկավար Արա Աբրահամյանը հուլիսի 28-ին հանդիպել է Մոսկվայի հարավ-արևելքի և Մերձմոսկվայի հարակից շրջանների հայ համայնքների հետ, որտեղ վերջերս մի խումբ ադրբեջանցիներ կազմակերպված հարձակումներ էին իրականացրել տեղի հայ բնակիչներ վրա։
Հանդիպման վայրն ընտրվել է Կապոտնեի «Սայաթ Նովա» ռեստորանային համալիրը, որի վրա ուրբաթ օրը հարձակման փորձ էին արել մի խումբ ադրբեջանցիներ:
Հանդիպմանը մասնակցել են հայ համայնքի ավելի քան 250 ներկայացուցիչներ, ՌԴ նախագահի աշխատակազմի և Ռուսաստանի Դաշնության ազգությունների գործերի դաշնային գործակալության ներկայացուցիչներ, Կամչատկայի, Իվանովոյի, Տվերի և այլ տարածաշրջանների Ռուսաստանի հայերի միության մարզային գրասենյակների ղեկավարներ:
Արա Աբրահամյանը հանդիպման մասնակիցներին ներկայացրել է բախումների օրերին Ռուսաստանի հայերի միության կողմից ձեռնարկված քայլերը, որոնք եղել են պետական մարմինների, իրավապահների, հասարակական կազմակերպությունների, այդ թվում՝ ադրբեջանական սփյուռքի ղեկավարների հետ համագործակցությամբ:
«Աշխարհի 10 միլիոնանոց հայկական համայնքն այսօր զինվոր է՝ պատրաստ պաշտպանելու Հայաստանը Ադրբեջանի և Թուրքիայի ոտնձգություններից», - ասել է Արա Աբրահամյանը:
նա նաեւ նշել է, որ Ռուսաստանի իշխանությունները բոլորին ցույց են տվել, որ Ռուսաստանում գործում են ռուսական օրենքներ, և ո՛չ Բաքուն, ո՛չ էլ Ստամբուլը չեն կարող այնտեղ թելադրել իրենց կանոններ:
