Ռուսաստանի քիմիա-տեխնոլոգիական համալսարանի գիտնականները նշել են կորոնավիրուսային համավարակի ավարտի վերջնաժամկետը: Ըստ նրանց հաշվարկների՝ դա տեղի կունենա հուլիսի վերջին, հայտնում է Коммерсантъ թերթը:
Փորձագետները ստեղծել են մաթեմատիկական մոդել, համաձայն որի՝ մինչև համաճարակի ավարտը երկրում 524 հազար մարդ է վարակվելու:
Միևնույն ժամանակ, փորձագետները չեն բացառում COVID-19-ի տարածման նոր ալիքները՝ կապված մարզերում սահմանափակումների վերացման հետ: Մեկ այլ կանխատեսում են արել Սինգապուրի տեխնոլոգիական և դիզայնի համալսարանի մասնագետները. ըստ նրանց հաշվարկների՝ համավարակը կավարտվի միայն օգոստոսի վերջին:
