«Էսօր հոգիս չդիմացավ, ստիպված գնացի այդ քայլին…». ինքնահրկիզման փորձ արած տղամարդ

Այն պահին, երբ Երեւանի քաղաքապետարանի դիմաց տեղի էր ունենում տուրիստական ավտոբուսների վարորդների բողոքի ցույցը, մի երիտասարդ հանկարծակի իր վրա լցրեց բենզինը եւ փորձեց ինքնահրկիզվել:

Սակայն քաղաքապետարանի շենքի դիմաց գտնվող ոստիկանները կանխեցին եւ երիտասարդին պառկեցնելով գետնին՝ նրա ձեռքից վերցրին շիշը, ապա ձեռքերը շղթայելով, տեղափոխեցին ոստիկանության բաժին:

Երիտասարդը կապ չուներ ցուցարարների հետ եւ քաղաքապետարանի մոտ եկել էր մի կնոջ ու 3 երեխաների հետ:

Տեղեկացանք, որ ինքնահրկիզվելու փորձ արած երիտասարդը տեղափոխվել է Ոստիկանության կենտրոնական բաժին:

Այն հարցին՝ արդեն հայտնի՞ է՝ ինչն է եղել ինքնասպանություն գործելու պատճառը, ՀՀ ոստիկանության լրատվական ծառայությունից հայտնեցին, որ հանգամանքները պարզվում են եւ որեւէ այլ տեղեկություն չեն կարող ասել:

Մանրամասները NEWSam-ի Տեսանյութում

Հավանեցի՞ք նյութը, կիսվեք մտերիմների հետ.