Փաշինյանն աշխատանքային այցով արդեն ժամանել է Գերմանիայի Դաշնային Հանրապետություն։ Այս մասին հայտնում են ՀՀ կառավարության լրատվական ծառայությունից՝ հիշեցնելով, որ այցի ընթացքում վարչապետը Բեռլինում կհանդիպի ԳԴՀ կանցլեր Անգելա Մերկելի, ինչպես նաև Բունդեսթագի նախագահ Վոլֆգանգ Շոյբլեի հետ:
Փետրվարի 14-ին Նիկոլ Փաշինյանը կմեկնի Մյունխեն, որտեղ կմասնակցի Մյունխենի անվտանգության համաժողովի բացման պաշտոնական արարողությանը: Համաժողովի շրջանակում նախատեսված են վարչապետի երկկողմ մի շարք հանդիպումներ:
«Աշխատանքային այցով ժամանել եմ Գերմանիա։ Առաջին հանդիպումը Բունդեսթագի նախագահ Վոլֆգանգ Շոյբլեի հետ է»,-այս մասին հայտնել է ՀՀ վարչապետ Նիկոլ Փաշինյանը։
Մանրամասները՝ Տեսանյութում