Պարզվում է՝ Հանրապետության հրապարակի մետրոյի կայարանի տարածքում աղմկահարույց «ՀուԶանք ու Զանգ» ներկայացումը բեմադրած աղջիկների վրա «զելյոնկա» շաղ տված միրուքավոր տղան՝ Նարեկ Սարգսյանը, երկար ժամանակ Հայաստանում ԼԳԲՏ համայնքի անդամ է եղել: Ինքը դա պարզաբանել է հետևյալ կերպ. «Մտել եմ ԼԳԲՏ համայնքի շարքեր, լավ եմ արել. հավաքել եմ ինֆորմացիա, որով դրանց ջախջախելու եմ»:
«ՉԻ». Սա իսկապես լրիվ այն անեկդոտն է, որ հարցնում է՝ «բա դու ո՞նց գեյ դարձար», պատասխանում է՝ «դե, տենց էլի, հարցուփորձով, բանով»:
Զգում ենք, որ հայկական կլոունադայի երկնակամարում նոր աստղ է ծագում: Էն էլ ի՜նչ աստղ: Թարմ, համարյա ձեռք չտված, չօգտագործված: Հետաքրքիր անցյալ ունեցող, ահագին տեղ մտած-դուրս եկած, մեծ կենսափորձի տեր տղա է:
Ուղղակի մի բան չհասկացանք. ինչո՞ւ է դուրս եկել ԼԳԲՏ-ի շարքերից. մնար, շարունակեր ինֆորմացիա հավաքել: Ոչինչ, մի քիչ դժվար կլիներ, ծանր պահեր կունենար, բա դե հո Շտիրլիցը միանգամից Շտիրլից չի՞ դարձել: Փոխարենը ԼԳՏԲ-ի մասին ծերից-ծեր ամեն ինչ կիմանայինք:
Էն «Ծիրանի ծով» կուսակցություն էր, ինչ էր, այս տղային շտապ պետք է իր շարքերը ընդունի: Հազվագյուտ գտածո է:
Հ.Գ. Ոնց որ թե մեր վրա Նարեկ Սարգսյանները չեն գալիս: Մեկը մտնում է ԼԳՏԲ համայնք՝ ինֆո հավաքելու, մյուսը մտնում է Կառավարություն՝ փող կուտակելու, էն երրորդն ընդհանրապես մտնում է Չեխիա՝ Ֆրանկլին Գոնսալես դառնալու:
Նյութի աղբյուրը՝ 4rd.am
