Տարոն Չախոյանն իր ֆեյսբուքյան էջում անդրադարձել է Պուտինի և Բելլա Քոչարյանի հանդիպման մասին լուրերին և կատարել է հետևյալ գրառումը.
Դեռ երեկվանից մամուլում տարածվեց այն լուրը, որ Հայաաստան ժամանած ՌԴ նախագահ Պուտինը հանդիպել է Քոչարյանի կնոջ՝ Բելլա Քոչարյանի հետ:
Քոչարյանի մամուլի խոսնակ Վիկտոր Սողոմոնյանը հաստատեց հանդիպման փաստը, սակայն մանրամասներ չհայտնեց…
Նաև հայտնի դարձավ, որ հանդիպումը եղել է Բելլա Քոչարյանի խնդրանքով եւ տեւել է մի քանի րոպե:
Թերևս վերջին միամիտը պետք է լինել, չհասկանալու համար, թե որն էր հանդիպման իրական նպատակն ու քննարկվող թեման:
Դժվար թե կալանքի տակ պահվող Քոչարյանի կինը հանդիպեր ՌԴ նախագհի հետ քննարկելու համար Հայաստանում թափառող ու անօթևան շների ճակտագիրը, բնական է, որ ՌԴ նախագահի հետ քննարկվել է կալանքի տակ պահվող Քոչարյանի հարցը:
Դեռևս ամիսներ առաջ Պուտինի հետ քիմիական կապի մասին բարձրաձայնող Քոչարյանը բազմիցս ակնարկել է, որ ակնկալում է ՌԴ նախագահի միջնորդությունն ու օգնությունը Մարտի 1-ի գործով իրեն առաջադրված մեղադրանքների գործում:
Փաստ է, որ ակնկալվող օգնությունն այդպես էլ տեղ չհասավ, չնայած որ հնարավոր է եղել են փորձեր, սակայն ՀՀ իշխանությունների Մարտի 1-ի գործը լիարժեք բացահայտելու հաստատակամությունը թույլ չի տվել որ օգնուլյունը տեղ հասնի:
Ակնկալվող օգնությունը չստանալով՝ Քոչարյանը գործի դրեց իր «ծանր հրետանին»՝ կնոջը:
Ու ամենևին էլ պետք չէ զարմանալ Բելլա Քոչարյանի խնդրանքով Պուտինի հետ հանդիպումից ու քննարկված թեմայից, քանզի քոչարյանականների համար վաղուց արդեն սովորական և ընդունելի երևույթ է օրենքները շրջանցելով հարցեր լուծելը` անգամ եթե դա կլինի պետության ու պետականության շահերի հաշվին…
Քանզի վերջիններս առաջնորդվում են մեկ սկզբունքով՝ «Նպատակն արդարացնում է միջոցները», իսկ նպատակը մեկն է՝ ամեն գնով խուսափել արդարադատությունից` այդ թվում նաև գիշերամիզությունից գանգատվելով…