Արդեն մի քանի օր է, SHAMSHYAN.com-ը հեռախոսազանգեր է ստանում քաղաքացիներից, ովքեր իրենց անհանգստությունն են հայտնում այն մասին, որ մայրաքաղաքում ճանապարհային երթևեկության կանոնները կոպտորեն խախտում են Toyota Land Cruiser Prado մակնիշի 001 JJ 01 համարանիշի և նրան ուղեկցող Hyundai մակնիշի 178 ՍՍ 01 համարանիշի ավտոմեքենաները։ SHAMSHYAN.com-ը պարզել է, որ Toyota Prado-ն սպասարկում է Բարձրագույն դատական խորհրդի նախագահ Գագիկ Հարությունյանին, իսկ նրան ուղեկցող Hyundai մակնիշի ավտոմեքենան էլ, ինչպես ժողովուրդն է ասում, նրա «ախրանան» է։
SHAMSHYAN.com-ը ահազանգեր է ստացել նաև Արաբկիր վարչական շրջանի Սևքարեցի փողոցի բնակիչներից, ովքեր չցանկանալով տեսախցիկի առաջ խոսել՝ այնուամենայնիվ, ասում էին, որ նշված փողոցում տեղադրվել է անօրինական ցուցանակ, որով վարորդները մոլորության մեջ են ընկնում, որ այդ հատվածում ճանապարհը միակողմանի է։ Ահազանգողննրը ասում էին, որ այդ ցուցանակը դրվել է Գագիկ Հարությունյանի ցուցումով, քանի որ նշված ավտոմեքենաները հաճախակի են լինում այդ փողոցում։ Ինչպես հայտնում է ֆոտոլրագրող Գագիկ Շամշյանը, պարզվել է, որ այդ փողոցում Երևանի քաղաքապետարանն արդեն թույլատրել է, որպեսզի երթևեկությունը լինի միակողմանի, մինչդեռ շատ բնակիչներ իրենց վրդովմունքն են հայտնում այդ որոշման համար։
Ի դեպ, ամիսներ առաջ նշված փողոցում ինչ-որ մարդիկ երկաթե կոնստրուկցիաներով փակել էին ճանապարհը, ու ոչ մի տրանսպորտային միջոց չէր կարողանում ազատ տեղաշարժվել, անգամ շտաօգնության և հրշեջ մեքենաները չէին կարողանում մուտք գործել նշված փողոց և միայն ճանապարհային ոստիկանության միջամտության արդյունքում ճանապարհը բացվեց։ Ահազանգողները ասում էին, որ եթե ճանապարհային ոստիկանությունը ցանկություն ունենա, կարղ է տեսախցիկների միջոցով պարզել, որ իրենց հայտնած տեղեկությունները հավաստի են, քանի որ բոլորս գիտենք, որ մայրաքաղաքը «զինված է» տեսախցիկներով։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: