Աշխարհահռչակ ռոք երաժիշտ Սերժ Թանկյանը Facebook-ի իր էջում գրառում է կատարել՝ խոսելով իր ընկերոջ՝ CNN-ի հայտնի հաղորդավար Էնթոնի Բուրդենի մահվանմասին.
«Սաստիկ ցնցված եմ Էնթոնի Բուրդենի մահվան լուրով: Մենք կորցրեցինք կյանքի, մշակույթի, խոհարարության արվեստի, ճշմարտության դեսպանին: Պատիվ եմ ունեցել նրա հետ ժամանակ անցկացնել»:
Ամերիկյան CNN հեռուստաալիքի հայտնի հաղորդավար, շեֆ խոհարար, գրող Էնթոնի Բուրդենը, ով անցած ամիս հաղորդաշար էր պատրաստել Հայաստանի և Արցախի մասին, ինքնասպան է եղել:
Նա 61 տարեկան էր:
CNN-ի հաղորդմամբ՝ նրան մահացած են գտել Ֆրանսիայում հյուրանոցային համարում: Նախնական տեղեկությունների համաձայն՝ նա ինքնասպան է եղել:
Հյուրանոցային համարում հաղորդավարի դին հայտնաբերել է նրա ընկերը՝ ֆրանսիացի ռեփեր Էրիկ Ռիփերը: Այլ մանրամասներ չեն հաղորդվում:
