Կեցցես, Նիկոլ ջան, փակեցիր բոլոր չարախոսների բերանը. ինչ կատարվեց այօր.
Հիշեցնենք, որ դատարանի բակում օդամղիչ ատրճանակից կրակելու համար 9 տարվա ազատազրկման դատապարտված Հայկ Կյուրեղյանը այսօր մեկ ամսով ազատ է արձակվել «Վարդաշեն» քրեակատարողական հիմնարկից՝ պատժի կրման կիսաբաց ռեժիմը բացով փոխարինելու հիմքով:
Բաց ռեժիմը, ըստ պաշտոնական հաղորդագրության, նախատեսում է, որ իրեն տրամադրված մեկամսյա արձակուրդի ընթացքում աշխատանք գտնելու դեպքում նա կարող է առավոտյան դուրս գալ բանտից և երեկոյան նորից վերադառնալ բանտ, իսկ աշխատանք չգտնելու դեպքում կշարունակի մնալ բանտում։
«Արժեքների հեղափոխության» պահանջով փողոց դուրս եկած Շանթ Հարությունյանի և ընկերների գործով առաջին դատական նիստի մեկնարկին՝ 2014-ի ամռանը, դատարանի բակում Հայկ Կյուրեղյանը բարձրացել էր այնտեղ կայանված ավտոմեքենաներից մեկի վրա և օդամղիչ ատրճանակով կրակոցներ արձակել իրավապահների ուղղությամբ։
Նրա գործողությունները դատարանը համարել էր ծանր հանցագործություն՝ «խուլիգանություն» ու ոստիկանների նկատմամբ «վտանգավոր բռնություն», և նրան դատապարտել 9 տարվա ազատազրկման։
34-ամյա Կյուրեղյանը ճաղերի հետևում է չորրորդ տարին, իրավապաշտպանները նրան համարում են քաղբանտարկյալ՝ առաջին հերթին հաշվի առնելով անհամաչափ խիստ պատիժը։
Քիչ առաջ հայտնի արձավ նաև, որ «Սասնա ծռերի» անդամ Արեգ Կյուրեղյանը քիչ առաջ ազատ արձակվեց Երևանի քաղաքի ընդհանուր իրավասության դատարանի Շենգավիթի նստավայրից:
Դատավոր Մեսրոպ Մակյանը բավարարեց պաշտպանական կողմի ներկայացրած միջնորդությունը:
Հիշեցնենք` Արեգ Կյուրեղյանի համար ԱԺ «Ելք» խմբակցության պատգամավորներ Հրաչ Հակոբյանը եւ Լենա Նազարյանը ներկայացրել էին անձնական երաշխավորագիր:
Շատերն այս իրադարձությունները կապում է Փաշինյանի հետ՝ գրելով որ Նիկոլը փակեց չարակամների և զազրախոսների բերանը, ովքեր պատճառ էին փնտրում՝ Փաշինյանին քննադատելու և աչքի ընկնելու համար…
Դատարանից օր օրի ազատ են արձակվում քաղբանտարկյալները, ինչև և խոստացել էր Նիկոլ Փաշինյանը:
