Գրում է armtimes.com-ը.
ՀՀ վարչապետ Նիկոլ Փաշինյանի՝ կառավարության վերջին նիստին արված հայտարարությունից հետո, թե պետք է ժամանակավորապես դադարեն գործել արագաչափերն ու նկարահանող սաքերը, քաղաքացիների մոտ թյուրըմբռնում է ստեղծվել, թե հիշյալ սարքերն արդեն իսկ չեն գործում:
Այս ամենով պայմանավորված, ոստիկանությունը հանդես է եկել հայտարարությամբ.
«Վերջին օրերի որոշ հայտարարությունների թյուրըմբռնման պատճառով, հանրության մեջ կարծիք է ձևավորվել, թե հանրապետության ճանապարհների արագաչափ և տեսանկարահանող սարքերը չեն գործում ու չեն արձանագրում ճանապարհային երթևեկության կանոնների խախտումները:
Տեղեկացնում ենք, որ արագաչափերն ու տեսանկարահանող սարքերը շարունակում են գործել:
Միաժամանակ պարզաբանենք, որ ՀՀ վարչապետի հանձնարարականի համաձայն` ոստիկանությունում մշակվում են համալիր միջոցառումներ` ոլորտում էական փոփոխություններ կատարելու ուղղությամբ, որոնք ՀՀ արդարադատության նախարարության հետ համաձայնեցնելուց հետո կարճ ժամկետում կներկայացվեն հանրությանը:
Ոստիկանությունը երթևեկության մասնակիցներին կոչ է անում խստորեն պահպանել երթևեկության կանոնները. դա օրենքի պահանջն է և բոլորիս անվտանգության ապահովման նպատակ է հետապնդում»:
