Ինչպես արդեն տեղեկացրել եինք politik.am- ի տեղեկություններով վարչապետի ժամանակավոր պաշտոնակատար Կարեն Կարապետյանը գնում է կոշտ գործողությունների: Կարապետյանը հրահանգել է Պետական եկամուտների կոմիտեի նախագահ, իր վաղեմի ընկեր Վարդան Հարությունյանին, որպեսզի հարկային տեռորի ենթարկեն` խոշոր բիզնեսին, որոնց ներկայացուցիչները աջակցում են համաժողովրդական շարժմանը: Հարկային մարմինների կողմից այցելություններ են լինում խոշոր գործարարներին և նրանց զգուշացնում են, որ եթե շարունակեն աջակցել շարժմանը, ապա լուրջ խնդիրներ կարող են ունենալ:
Նմանատիպ խոսակցություններ են ունենում նաև Մալաթիա տոնավաճառի, ինչպես նաև մյուս տոնավաճառների հավաքների դուրս եկող մանր բիզնեսի ներկայացուցիչների հետ:
Այս լուրից հետո Պետական եկամուտների կոմիտեն փորձել է տարբեր լրատվամիջոցների միջոցով հերքել այս ամենը, ասելով, որ չկան փաստեր։
Տվյալ նյութում մենք ներկայացնում ենք փաստերից մեկը, որը ներկայացրել է Նոր Կյանքի համայնքապետ Գագիկ Սարգսյանը։
Համայնքապետը մասնավորապես գրել է․
«Արալեզ համայնքի բնակիչ Արթուր Շամիրյանին պատկանող ԱՁ֊ի նկատմամբ հարկային ճնշումներ են եղել և իբր ՀԴՄ֊ի կտրոն չտրամադրելու պատրվակով վերջինս տուգանվել է 300.000 դրամ։ Ավելացնեմ, որ Արթուրը եղել է Արալեզ համայնքի ավագանու անդամ, իր կամքով հրաժարվել է ավագանի լինելուց և ակտիվ մասնակցել է Երևանում տեղի ունեցող հանրահավաքներին, իր խոսքերով այս կերպ փորձ է արվում նրան ետ պահել իր քաղաքացիական ակտրվությունից։
Ստորև ներկայացնում եմ ՊԵԿ֊ի կողմից կազմված տուգանքը և այն անձնավորություններին, ովքեր ներկայացել են որպես հարկային տեսուչներ»։
