Երեկ երեկոյան Մեյմանդար- Երևան ճանապարհին հնչել են կրակոցները , տուժել է ավտոտեխսպասարկողը՝ փամփուշտը վնասել էր վերջինիս ոտքը: Տուժող քաղաքացին Հայանիստ գյուղի բնակիչ է:
Դեպքի իսկությունը ճշտելու համար Politik.am-ի թղթակիցը կապ հաստատեց Հայանիստի համայնքապետ Բալաբեկ Սարկիսյանի հետ, ով մեր հետ զրույցում հաստատեց տեղեկության հավաստիությունը:
« Տուժող անձը աշխատում է մեր գյուղում , սակայն Էջմիածնի գրանցում ունի : Իր անուն ազգանունը այս պահին չեմ հիշում , բայց Մուկուչ են ասում »,-ասաց համայնքապետը:
Մեր ճշտող հարցին, թե արդյո՞ք ճիշտ են այն տեղեկությունները , որ ոստիկանի կողմից է վիրավորվել քաղաքացին , նշեց.
«Ճիշտ ասած ես այն պահին եմ հասել տեղ , երբ դեպքը արդեն տեղի ունեցել և ավարտվել է, չգիտեմ»,-եզրափակեց Բալաբեկ Սարկիսյանը:
