ՌԴ նախագահ Վլադիմիր Պուտինը ստորագրել է տնտեսական ոլորտում հատուկ միջոցների մասին օրենքը՝ երկրից դուրս «հակաահաբեկչական և այլ գործողությունների ժամանակ» Ռուսաստանի Դաշնության զինված ուժերին ապահովելու համար։
Օրենքի համաձայն՝ իրավաբանական անձինք չեն կարող հրաժարվել պետական գնումների կամ պաշտպանության պետական պատվերներով պայմանագրեր կնքելուց, եթե այդ պայմանագրերը վերաբերում են նման գործողություններին։
Բացի այդ, Ռուսաստանի իշխանությունները կկարողանան «առանձին կազմակերպություններում աշխատանքային հարաբերությունների իրավական կարգավորում» սահմանել, որը թույլ կտա աշխատել գիշերը, հանգստյան օրերին և տոն օրերին։
Այս օրենքը փորձագետները համարում են տնտեսությունը ռազմական ռելսերի տեղափոխելու գործընթաց՝ ռազմական դրությանը բնորոշ։ Կրեմլը խուսափում է հայտարարել ռազմական դրություն եւ մոբիլիզացիա, դա իրականացնելով այլ մեթոդներով։
Հավանեցի՞ք նյութը, կիսվեք մտերիմների հետ.
Նյութի աղբյուր՝ www.lragir.am
