ՀՀ վարչապետի աշխատակազմից Տարոն Չախոյանը ֆեյսբուքի իր էջում գրել է.
Իշխան Սաղաթելյանը խճճվել է սեփական ստերի մեջ։
Նախ հայտարարում էր, թե Հայաստանում երկիշխանություն է։
Հետո ասում էր Նիկոլ Փաշինյանը Հայաստանում այլևս չունի իշխանություն։
Իսկ քիչ առաջ հայտարարում էր, թե գործող իշխանությունը պետք է հասկանա, որ ժամանակավոր է։
Հիշեցնենք ,որ այսօր Կառավարության 3-րդ մասնաշենքի դիմացից խուլիգանություն կատարելու կասկածանքով 111 անձ է բերման ենթարկվել ոստիկանության բաժիններ:
Տեղեկատվությունը հայտնեցին ՀՀ ոստիկանության լրատվական ծառայությունից:
Ոստիկանության 3 ծառայող տեղափոխվել է բուժհաստատություն։
Ավելի վաղ հայտնել էինք, որ «Դիմադրություն» շարժման անդամներն այսօր վերսկսել են անհնազանդության ակցիաները՝ հավաքվելով Կառավարության 3-րդ մասնաշենքի դիմաց: