Հիշեցնենք՝ այսօր վաղ առավոտից Երևանի փողոցներում և մարզային որոշ մայրուղիներում ընդդիմադիրները շարունակել էին անկանոն ակցիաները: Փակվել էին որոշ փողոցներ:
Մայրաքաղաքի փողոցներում կանոնավոր երթևեկությունը վերականգնվել էր կարճ ժամանակ անց, ոստիկանների միջամտությունից հետո փողոցները բացվել են:
Երևանում անցկացվող անհնազանդության ակցիաներով պայմանավորված ժամը 15:00-ի դրությամբ Երևանում բերման է ենթարկվել 155 մարդ:
Այս մասին տեղեկացրին ՀՀ ոստիկանության հասարակայնության հետ կապի և լրատվական վարչությունից:
Բերման ենթարկված քաղաքացիներ կան նաև մարզերում:
«Գեղարքունիքում կա 8, Արարատում 6 բերման ենթարկված»,-տեղեկացրին ոստիկանությունից:
