Դեռևս 2020 թվականի նոյեմբերի 9-ի եռակողմ հայտարարության համաձայն, Արցախում կողմերը պետք է մնային այն դիրքերում, որ դիրքերում որ կանգնել էր պատերազմը, իսկ Արցախում տեղակայված ռուս խաղաղապահները պետք է իրականացնեին իրենց խաղաղապահ առաքելությունը։
Բայց արի ու տես, որ 2020 թվականի դեկտեմբերի 12-ին Ադրբեջանի Հանրապետության զինված ուժերի կողմից Ռուսաստանի Դաշնության պաշտպանության նախարարության խաղաղապահ ուժերի վերահսկողության գոտում գտնվող Արցախի Հանրապետության Հադրութի շրջանի Հին Թաղեր և Խծաբերդ գյուղերի բռնազավթում տեղի ունեցավ։ Ավելին Այս ռազմական գործողությունը փաստացի 2020 թվականի նոյեմբերի 10-ի եռակողմ համաձայնագրի ստորագրումից հետո հրադադարի ռեժիմի առաջին լուրջ խախտումն էր։
Ընդ որում, Ադրբեջանի կողմից Արցախի Հանրապետության Հադրութի շրջանի Հին Թաղեր և Խծաբերդ գյուղերի բռնազավթման հետևանքով հայկական կողմը կրեց ոչ միայն տարածքային, այլ նաև մարդկային զոհեր, իսկ տասնյակ զինծառայողներ գերեվարվեցին Ադրբեջանի կողմից։ Մարտական դիրքերում սպանվեցին 9 հայ զինծառայող և գերեվարվեցին 62-ը, որոնցից 30 -ը մինչ այսօր պահվում են Ադրբեջանում։
Ընդ որում, Ադրբեջանի կողմից բռնազավթված Հադրութի շրջանի Հին Թաղեր և Խծաբերդ գյուղերի տարածքները հետ չվերադարձվեցին հայկական կողմին, այս առնչությամբ ռուս խաղաղապահները չարեցին և ոչ մի քայլ։
Ինչ էր սա, եթե ոչ ռուս խաղաղապահների անգործության արդյունք։ Տեղի ունեցածը կամ ռուս խաղաղպահների անգործության արդյունք էր, կամ նախօրոք պայմանավորված ռուս-ադրբեջանական համատեղ դավադրություն հայկական կողմի հանդեպ։
Ի դեպ, ռուս խաղաղապահների այս անգործությունը հետագայում պատճառ դարձավ նաև Ադևբեջանի սանձարձակությունների համար։ Իսկ 2022 թվականի մարտի 25-ին ադրբեջանական զինուժը ներխուժեց Փառուխ գյուղ ու դիրքավորվեց Քարագլուխ բարձունքում։ Ի դեպ, մինչ այսօր ռուս խաղաղապահներին չի հաջողվել ելման դիրքեր վերադարձնել Քարագլուխ բարձունքում դիրքավորված ադրբեջանցի զինվորականներին, չնայած որ ՌԴ ՊՆ-ն դեռ օրեր առաջ է արձանագրել ադրբեջանական կողմի առաջխաղաղացումն ու պահանջել վերադառնալ ելման դիրքեր։
Հավանեցի՞ք նյութը, կիսվեք մտերիմների հետ.
Նյութի աղբյուր՝ medianews.site
