Ֆրանսիայի նախագահ Էմանուել Մակրոնը հայտարարել է, որ երկիրը պետք է պատրաստ լինի բարձր ինտենսիվության պատերազմի, որը կարող է վերադառնալ եվրոպական մայրցամաք, հայտնում է Liberation-ը։
Մակրոնը քարոզարշավի ժամանակ հայտարարել է, որ 2025 թվականին Ֆրանսիայի պաշտպանության բյուջեն կկազմի 50 միլիարդ եվրո։ Այժմ այն կազմում է ավելի քան 40 միլիարդ եվրո։
Նախագահը նշել է, որ Ֆրանսիան պետք է ճկուն լինի տիեզերքում և կիբերտարածությունում նոր տեսակի հակամարտությունների դեմ, եւ որ ցանկանում է «ներդրումներ կատարել առաջադեմ տեխնոլոգիաների մեջ»։
Ֆրանսիայի ղեկավարը հայտարարել է նաև զինված ուժերում պահեստազորայինների թվի կրկնապատկման և ոստիկանության ու ժանդարմերիայի թվի ավելացման մասին։
