Ամերիկյան YouTube վիդեոհոսթինգը որոշել է ժամանակավորապես անջատել գովազդը Ռուսաստանում՝ Ուկրաինայում ռազմական գործողության պատճառով, ասվում է Google-ի հայտարարության մեջ։ Այս մասին հայտնում է Reuters գործակալությունը:
«Արտառոց հանգամանքների պատճառով մենք դադարեցնում ենք Google-ի գովազդը Ռուսաստանում։ Իրավիճակը զարգանում է արագ տեմպերով, և մենք կշարունակենք կիսվել թարմացումներով՝ ըստ անհրաժեշտության: Գովազդը նույնպես կանջատվի հենց Google որոնողական համակարգում»,- ասվում է Google-ի հայտարարության մեջ։
Նշվում է, որ ռուս օգտատերերը գովազդ չեն տեսնի, ինչը նշանակում է, որ նրանց դիտումները չեն դրամայնացվելու։ Ռուսաստանից տեսահոլովակների հեղինակները կշարունակեն գումար ստանալ դիտումների համար, բայց միայն այլ երկրներից։
