Ռուսաստանի Կենտրոնական բանկն ունի բոլոր անհրաժեշտ ռեսուրսներն ու գործիքները՝ ֆինանսական կայունությունը պահպանելու և ֆինանսական հատվածի գործառնական շարունակականությունն ապահովելու համար: ՏԱՍՍ գործակալության հաղորդմամբ՝ այս մասին ասվում է տարածված մամուլի հաղորդագրությունում։
«Ռուսաստանի ԿԲ-ն շարունակաբար բանկերին կտրամադրի կանխիկ և անկանխիկ իրացվելիություն ռուբլով»,- ասաց կարգավորողը։
Նշվում է, որ բանկերի ընթացիկ իրացվելիության հնարավոր կարիքը առավելագույնս փակելու համար Ռուսաստանի Կենտրոնական բանկը զգալիորեն կընդլայնի գրավատների ցանկը։
Ավելի վաղ հայտնի էր դարձել, որ Մեծ Բրիտանիան, Գերմանիան, Իտալիան, Կանադան, ԱՄՆ-ը, Ֆրանսիան և Եվրահանձնաժողովը պայմանավորվել են ՌԴ-ի դեմ նոր ֆինանսական պատժամիջոցներ սահմանելու մասին, որոնք նախատեսում են նաև ռուսական որոշ բանկերին տեղեկատվության փոխանցման և վճարումների կատարման SWIFT միջբանկային համակարգից անջատում։
