Ադրբեջանցիները պետք է աստիճանաբար հասնեն իրենց ռազմավարական նշանակետին՝ Երևանը վերադարձնելուն: Interfax-ի փոխանցմամբ՝ նման անհեթհեթ հայտարարությամբ հանդես է եկել այդ երկրի նախագահ Իլհամ Ալիևը:
Ըստ նրա՝ Երևանը հանդիսանում է իրենց պատմական հողը, և իրենք պետք է վերադառնան և բնակություն հաստատեն այդ հողում:
«Դա մեր քաղաքական և ռազմավարական նշանակետն է, և մենք պետք է աստիճանաբար մոտենանք դրան»,- ասել է նա՝ հանդես գալով իշխող «Յենի Ադրբեջան» կուսակցության VI համագումարի ընթացքում:
Նա ընդգծել է, որ իրենք չպետք է մոռանան իրենց պատմական հողերի մասին, իսկ հետագայում դա պետք է լինի իրենց գործունեության գլխավոր առանցքը:
Հավանեցի՞ք նյութը, կիսվեք մտերիմների հետ.
Նյութի աղբյուր՝ nt.am
