Երեւանի Արցախի 8 հասցեի բենզալցակայանում այսօր՝ փետրվարի 2-ին, տեղի ունեցած պայթյունին ականատես են եղել քաղաքացիներ։ NEWS.am-ի հետ զրույցում ականատեսներից Գառնիկ Գալստյանը պատմեց՝ բենզալցակայանի դիմաց ավտոմեքենա էր կանգնած, որը պայթյունի հետեւանքով բռնկվել է։
«Գործ էի անում, տեսա, որ պաժար է, չիմացա ինչից էր կպել։ Ավտո էր կանգնած, քաշեցինք, հանեցինք։ Լավ է, տղերքը հասան, փրկեցին։ Տղերքը վառված թռան դուրս, դեմքը վառված էր այդ մարդու, տարան բժշկի։ Հերթափոխի պետին են տեղափոխել հիվանդանոց»,- պատմեց նա։
Ականատեսներից մեկն էլ նշեց, որ բենզին է կաթացել բենզալցակայանի սենյակներից մեկում, որն էլ պայթյունի պատճառ է դարձել.
