ԱՄՆ-ն Ռուսաստանի իշխանություններից ստացել է Ուկրաինայի շուրջ իրավիճակի ապաէսկալացման առաջարկների պատասխանըմ տեղեկացնում է Associated Press-ը, հղում անելով վարչակազմի իր աղբյուրին։ Պատասխանն ամերիկյան կողմին է փոխանցվել գրավոր։
Ավելի վաղ ՌԴ-ն հրապարակել էր ԱՄՆ-ի ու ՆԱՏՕ-ի հետ պայմանագրերի նախագծերը, որոնք վերաբերում են ՆԱՏՕ-ի ընդլայնումը, Ուկրաինայի անդամակցությունը հյուսիս-ատլանտյան դաշինքին, հետխորհրդային երկրներում բազաների ստեղծումը բացառելու եւ այլ պահանջներ։ ԱՄՆ-ն եւ ՆԱՏՕ-ն գրավոր մերժել էին այդ պահանջները եւ ներկայացրել սեփական առաջարկները։