Երեկ գիշեր, Սայաթ-Նովա և Աբովյան փողոցների խաչմերուկում տեղի ունեցած ավտովթարի հետևանքով ծանր վիրավորում ՃՈ ոստիկանության տեսուչ 34–ամյա Խաչիկ Գասպարյանը մոտ մեկ ժամ առաջ մահացել է։ Այս լուրը Sputnik Արմենիայի հետ զրույցում հաստատեցին «Հերացու» անվան թիվ 1 հիվանդանոցից։ Խաչիկ Գասպարյանը կյանքի հետ անհամատեղելի վնասվածքներ է ունեցել:
«Ճվճըվ Արոյի» որդին ներկայացել է ոստիկանություն. հարուցվել է քրեական գործ
Ինչպես արդեն տեղեկացրել էինք` հունվարի 8–ին, ժամը 04:40-ի սահմաններում, Երևան քաղաքի Սայաթ-Նովա պողոտայի և Աբովյան փողոցի խաչմերուկում բախվել են «ԲՄՎX6» մակնիշի և «Տոյոտա» մակնիշի ավտոմեքենաները, որից հետո «ԲՄՎX6» մակնիշի ավտոմեքենան դուրս է եկել երթևեկելի գոտուց և հարվածել գովազդային վահանակին:
Ավտովթարի հետևանքով «Տոյոտա» մակնիշի, 243 II 02 հաշվառման համարանիշի ավտոմեքենայի վարորդ 29–ամյա Արեգ Դավթյանն ստացած մարմնական վնասվածքներից հիվանդանոց տեղափոխվելու ճանապարհին մահացել է, իսկ ուղևոր Խաչիկ Գասպարյանը տեղափոխվել էր բժշկական կենտրոն։
«ԲՄՎX6»-ի վարորդը, ով դեպքի վայրից փախուստի էր դիմել։ Լրատվամիջոցների տեղեկություններով նա հայտնի «Ճվճըվ Արոյի» որդին է: Նա այսօր ներկայացել է ոստիկանություն:
Հավանեցի՞ք նյութը, կիսվեք մտերիմների հետ.
Նյութի աղբյուր՝ info24.am
