Ճանապարհային Ոստիկանության 2-րդ սպայական գումարտակի 4-րդ վաշտի հետաքննիչ Բակուր Սարիբեկյանի կողմից նյութեր են նախապատրաստվում դեկտեմբերի 7-ին Գեղարքունիքի մարզում տեղի ունեցած ավտովթարի փաստով: Ժամը 20:20-ի սահմաններում Երևան-Իջևան ավտոճանապարհի 74-րդ կմ հատվածում բախվել են Սևանի բնակիչ, 28-ամյա Գուրգեն Վարդանյանի վարած Ford Transit մակնիշի 29 OՍ 411 համարանիշի և Երևան քաղաքի
Ծերեթելի փողոցի բնակիչ, 28-ամյա Շահեն Գալստյանի վարած Ford Transit մակնիշի 436 AF 61 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, հաջոդ օրը Գ. Վարդանյանը բժշկական օգնություն ստանալու նպատակով դիմել է Սևանի բժշկական կենտրոն և հայտնել, որ վնասվածքը ստացել է նշված ավտովթարի ժամանակ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հավանեցի՞ք նյութը, կիսվեք մտերիմների հետ.
Նյութի աղբյուր՝ shamshyan.com
