«Սիրելի՛ հայրենակիցներ, մեր սուրբ Հայրենիքի համար մղվող կենաց և մահու պայքարում այսօր քաջի մահով ընկավ իմ լավագույն ընկերներից` Ալեքսանդր Հարությունյանը` մեր Սաշիկը: Միասին մարտական ուղի ենք անցել` սկսած 1992թ-ից` այդ ընթացքում փորձություններ հաղթահարելով, հաճախ ուղիղ նայելով մահվան աչքերին…
Նա դարձավ առաջիններից մեկը, ով արցախյան առաջին պատերազմում «Մարտական խաչ» 1-ին աստիճանի շքանշան ստացավ:
Իմ հերոս ընկեր, այս անգամ թշնամու մահաբեր արկը չշրջանցեց քեզ ու դու ևս միացար մեր նահատակ ընկերներին:
Հայրենիքի հանդեպ սերդ ու անմնացորդ նվիրումդ որպես դաս թողեցիր սերունդներին:
Ննջիր խաղաղությամբ…»: Այս մասին իր ֆեյսբուքյան էջում հայտնում է ԱՀ-ի նախագահ Արայիկ Հարությունյանը: «Արմենիապրես»-ն իր խորին ցավակցությունն է հայտնում Ալեքսանդր Հարությունյանի ընտանիքին և բոլոր հարազատներին: Ննջիր խաղաղությամբ, հայրենիքի հերո՛ս պաշտպան»:
