Ադրբեջանում 2 մարդ հոսպիտալացվել է կորոնավիրուսի կասկածով: Նրանցից մեկն Իրանի քաղաքացի է: Այս մասին ասվել է Ադրբեջանի առողջապահության նախարարության հայտարարության մեջ:
Տեղեկության համաձայն՝ բուժհաստատություններից մեկի ինֆեկցիոն բաժանմունք է տեղափոխվել 2 անձ:
«Հոսպիտալացված անձինք եկել են Իրանից, որտեղ կա կորոնավիրուսի տարածում: Նրանց հետ շփում ոչ ոք չի ունեցել, երբ մտել են երկիր, նրանց ջերմությունը բարձր է եղել:
Հիմա երկուսի ջերմությունը նորմայի սահմանում է, առողջական խնդիրներ չկան: Նրանք գտնվում են բժիշկների հսկողության ներքո»,- ասված է հաղորդագրության մեջ:
Նյութի աղբյուր՝ auroranews.am
