Երեկ՝ փետրվարի 9-ին, մոտ կես ժամ առաջ կրակոցներ են հնչել Վանաձորի Բազում թաղամասի Համբարձումյան փողոցում: Նախնական տեղեկություններով, հրազենային վիրավորում ստացած 4 անձ է տեղափոխվել Վանաձորի ԲԿ, որոնց մեջ կան նաեւ քրեական հեղինակություններ: Նրանցից 2-ն եղել են մահացած:
ՀԺ-ի թղթակիցը դեպքի վայրից հայտնում է, որ այս պահին իրավապահները փորձում են հասկանալ, թե որքանո՞վ միմյանց հետ կապ ունեն քիչ առաջ Վանաձորի Բարեկամության փողոցում հրկիզված Նիվա մակնիշի մեքենայնից հայտնաբերված հրազենի եւ Բազում թաղամասի բնակելի շենքերի մոտակայքում հնչած կրակոցների դեպքերը: Այլ մանրամասներ՝ առաջիկայում:
Հիշեցնենք, որ քիչ առաջ տեղեկացրել էինք, որ Վանաձորի Բարեկամության փողոցում հրկիզված Նիվա մակնիշի մեքենայի մեջ հայտնաբերվել է հրազեն:
Լուսանկարները՝ ՀԺ-ի
Հավանեցի՞ք նյութը, կիսվեք մտերիմների հետ.
Նյութի աղբյուր՝ armtimes.com
