Այսօր՝ դեկտեմբերի 17-ին, խոշոր ավտովթար է տեղի ունեցել Արագածոտնի մարզում: Ժամը 15:20-ի սահմաններում Ալագյազ-Արթիկ ավտոճանապարհի Ծաղկահովիտ գյուղի խաչմերուկում բախվել են Chevrolet Niva մակնիշի 35 OD775 համարանիշի և ВАЗ 2106 մակնիշի 36 QP 606 համարանիշի ավտոմեքենաները:Ինչպես դեպքի վայրից հայտնում է ֆոտորագրող Գագիկ Շամշյանը, վթարի հետևանքով 5 հոգի մարմնական վնասվածքներով տեղափոխվել են Արագածի բժշկական կենտրոն, որտեղից էլ 3 հոգին տեղափոխվել են «Ապարան» բժշկական կենտրոն:
Դեպքի վայրում հավաքվածներն ասում էին, որ օպերատիվ են գործել «Արագած» բժշկական կենտրոնի բժիշկները:Օպերատիվորեն ժամանել են ճանապարահային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Վաչե Մալաքյանի, դասակի հրամանատար Հրատ Գալստյանի գլխավորությամբ:
Ժամանել է նաև նույն վաշտի ավագ հետաքննիչ Հայկ Վարդանյանը, սակայն մարզի դատախազի հանձնարարականով վթարի փաստով զբաղվում է Հայաստանի քննչական կոմիտեի Արագածոտնի մարզային քննչական վարչությունը, որտեղից ժամանել է քննչական խումբը՝ հատկապես կարևոր գործերով քննիչ Գևորգ Մխիթարյանի գլխավորությամբ:
Մանրամասները այստեղ:
Լուսանկարները՝ Գագիկ Շամշյանի
