Արմավիրի մանկապարտեզում միջադեպից տուժած Լիլիթը 7 ամիս է՝ բաժանվել է Արգամ Հովիկյանից։ Այս ամբողջ ընթացքում կնոջ ընտանիքը փորձել է չշփվել Արգամի հետ եւ նրանից հեռու մնալ։ NEWS.am-ի հետ զրույցում 23-ամյա Լիլիթն ասաց, որ նա փորձել է կապ հաստատել, բայց Լիլիթը վախենում էր նրա հետ երես առ երես մնալ․ գիտեր, որ Արգամը խաղամոլ է եւ վտանգավոր։
Հոկտեմբերի 30-ին Արգամը հերթական փորձն էր ձեռնարկել խոսել նախկին կնոջ հետե եւ եկել էր նրա աշխատավայր՝ «Մանուշակ» մանկապարտեզ։
«Երբ նա մոտեցավ ինձ, ես զգացի, որ նա ադեկվատ չէ, հարբած է։ Ես ասացի, որ մենք խոսելու բան չունենք։ Նա բարկացավ, հանեց դանակը եւ ինձ սպառնալով՝ ստիպեց դուրս գալ սենյակից։ Ես տիպված էի դուրս գալ, քանի որ ես այնտեղ մենակ չէի, 15 երեխաների հետ էի եւ վախենում էի նրանց համար»,- ասում է Լիլիթը։
Երբ նա սենյակից դուրս էր եկել, Արգամը բռնել էր նրա մազերից եւ կոկորդին էր մոտեցրել դանակը: Նա ցանկացել էր հանել նրան շենքից, բայց Լիլիթն ընդդիմացել էր եւ օգնության էր
կանչել: Այդ պահին մանկապարտեզում միայն երեխաներ էին, դաստիարակչուհիներ ու մի քանի ծնողներ, որոնք եկել էին երեխաների հետեւից:
Նրանցից ինչ-որ մեկը զանգել էր Լիլիթի հորեղբորը, որը հենց այն պահին հասավ, երբ Արգամը դանակով վնասել էր նախկին կնոջ պարանոցը: Մի ձեռքով Լիլիթը բռնել էր ցանակապատից, մյուսով՝ դանակը՝ փորձելով թույլ չտալ վնասել պարանոցը: Պարանոցի վերքն իսկապես խորը չէր, բայց աղջկա ձեռքը խիստ վնասվել էր՝ ջլերն ու նյարդաթելերը կտրվել էին:
Աղջկա հորեղբայրը հարձակվել էր Արգամի վրա եւ հարվածել նրան: Նա շրջվել էր, երկու անգամ փորձել դանակով հարվածել, բայց հորեղբայրը կարողացել էր խույս տալ: Այդ ժամանակ Արգամը մտել էր երեխաների սենյակ, վերցրել առաջին հանդիպած երեխային ու դանակն ուղղել նրա սրտին:
Լիլիթի խոսքով, իրենք Արգամի հետ երեխաներ չունեն, նրանք ընդամենը 8 ամիս է, որ ամուսնացած են, եւ համացանցում տարածված տեղեկատվությունը, թե իբր նրան թույլ չեն տվել տեսակցել երեխայի հետ, որի պատճառով էլ նա արել է այն, ինչ արել է, իրականությանը չի համապատասխանում: «Նաեւ գրում են, որ նա խնդիրներ ուներ
զոքանչի հետ, բայց իրականում նա մեզանից ոչ մեկի հետ խնդիրներ չուներ, մենք, առհասարակ, ջանում էինք իրենից հեռու մնալ: Ես վախենում էի խոսել եւ նրա հետ առանձին մնալ, գիտեի, որ նա վտանգավոր է», - նշել է Լիլիթը:
Հավանեցի՞ք նյութը, կիսվեք մտերիմների հետ.
Նյութի աղբյուր՝ news.am
