Հայաստանի ԱԻՆ-ում, այսօր՝ հոկտեմբերի 20-ին, ժամը 12:30-ին ահազանգ է ստացվել, որ տեղի է ունեցել ավտովթար Կոտայքի մարզի Զովունի գյուղում, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Զովունի գյուղի սկզբնամասում բախվել են Միհրան Հ.-ի վարած Toyota Land Cruiser Prado մակնիշի 777 ՕԼ 73 համարանիշի եւ Գեւորգ Հ.-ի վարած Mercedes E320 մակնիշի 91 AA 09 համարանիշի ավտոմեքենաները։
Shamshyan.com-ի փոխանցմամբ, վթարի հետեւանքով 2 հոգի տեղափոխվել են «Արմենիա» բժշկական կենտրոն։
Բախման հետեւանքով բետոնե էլեկտրասյունը տապալվել է, ինչի պատճառով էլ «Հայէլեկտրոցանց» ընկերության ներկայացուցիչները ժամանակավորապես հոսանքազրկել են տարածքը։
Հավանեցի՞ք նյութը, կիսվեք մտերիմների հետ.
Նյութի աղբյուր՝ news.am
