Եվգենի Պրիգոժինը և Վագներ ՊՄԿ-ի հրամանատար Դմիտրի Ուտկինը զոհվել են Տվերի մարզում մասնավոր ինքնաթիռի կործանման հետևանքով.
Այս մասին հայտնել է Զապորոժիեի շրջանի վարչակազմի ղեկավար Ռոգովը:
Ռոսավիացիան հետաքննություն է սկսել Embraer ինքնաթիռի կործանման կապակցությամբ: Շրջանառվում են տեղեկություններ, որ այս ինքնաթիռի ուղևորների ցանկում եղել է նաև «Վագներ» մասնավոր ռազմական ընկերության հիմնադիր Եվգենի Պրիգոժինի անունը:
«Հետաքննությունը սկսված է: Ուղևորների անվանացուցակում կա նաև Եվգենի Պրիգոժին անուն-ազգանունը»,- նշել են Ռոսավիացիայից` չհստակեցնելով` արդյոք խոսքը հենց «Վագներ»-ի հիմնադրի մասին է: Հայտնի չէ նաև` արդյոք նա եղել է ինքնաթիռում, թե ոչ։
