Ադրբեջանական ուժերի կողմից հայ ռազմագերիների մահապատիժը 2022 թվականի սեպտեմբերին պատերազմական հանցագործություն է, որի համար պետք է պատասխանատվության ենթարկվել, այսօր հայտարարել է Human Rights Watch կազմակերպությունը։ Human Rights Watch-ը վերլուծել է հոկտեմբերի սկզբին սոցցանցերում հրապարակված տեսանյութը, որտեղ երևում է առնվազն յոթ հայ ռազմագերիների արտադատական մահապատիժը ադրբեջանական ուժերի կողմից:
«Հանձնված զինվորների սպանությունը սարսափելի պատերազմական հանցագործություն է», – ասում է Human Rights Watch-ի Եվրոպայի և Կենտրոնական Ասիայի տնօրեն Հյու Ուիլյամսոնը: «Այս զինվորները գերի էին ընկել և վայր դրել զենքերը», – նշել է Ուիլյամսոնը, – նրանց գերեվարողները պարտավոր էին նրանց հետ մարդասիրական վերաբերվել, փոխարենը, ակնհայտորեն ադրբեջանական ուժերը սառնասրտորեն գնդակահարել են նրանց։ Նրանք պետք է պատասխանատվության ենթարկվեն»։
