Lragir.am-ը գրում է. Բելառուսը Ռուսաստանին է փոխանցել «Զյաբրովկա» օդանավակայանը / ua.depositphotos.com
Օգոստոսի լույս 11-ի գիշերը Բելառուսի Զյաբրովկա օդանավակայանում պայթյուններ են որոտացել։ Ռազմական այս օբյեկտը գտնվում է Գոմելի շրջանում։ Այս մասին հայտնում է «Բելառուսական Գայուն» Telegram ալիքը։
«Տեղեկություններ են ստացվում, որ Զյաբրովկա օդանավակայանի տարածքում պայթյուններ են լսվում, բռնկումներ են երևում։ Տվյալները հաստատում են միանգամից մի քանի աղբյուրներ», գրում են լրատվամիջոցները։ Օգոստոսի 11-ին՝ ժամը 00:30-ից, ռազմական օբյեկտում գրանցվել է առնվազն 8 բռնկում։
Ավելի վաղ Բելառուսի պաշտպանության նախարարությունը հայտարարել էր ՀՕՊ-ի և ՌՕՈՒ-ի վարժանքների մասին, սակայն հայտնի չէ, թե արդյոք դրանք կապված են Զյաբրովկայի շրջանում բռնկումների հետ։
Ավելի վաղ հաղորդվել էր, որ այս օդանավակայանում նկատվել է ռուսական С-300/С-400 ՀՕՊ համակարգեր տեղափոխոխող տրանսպորտային միջոցների շարժ։ Հայտնի է, որ ռուսները փոխակերպում են հակաօդային պաշտպանության համար նախատեսված С-300 հրթիռները ցամաքային թիրախների հարվածելու համար։
Օրերս Պենտագոնն առաջին անգամ հաստատել է Ուկրաինա նոր տեսակի հրթիռի՝ AGM-88 (HARM) առաքումը։ Դրանք կարող են օգտագործվել ռուսական զենիթային ռադիոտեղորոշիչ համակարգերի ոչնչացման համար, ինչպիսին է С-400-ը։
