Այսօր՝ Լուսաբացին Սարսափելի և խոշոր ավտովթար Խանջյան թունելում..կան վիրավորներ.

16.02.2018 (10:34:47) 6747

Այսօր՝ փետրվարի 16-ին, խոշոր ավտովթար է տեղի ունեցել Երևանում։ Ժամը 05։20-ի սահմաններում Ագաթանգեղոս փողոցի թիվ 7 շենքի դիմաց՝ Խանջյան փողոցի թունելի հատվածում, բախվել են ВАЗ 21010 մակնիշի 34 NR 537 համարանիշի և Mercedes մակնիշի 35 NV 858 համարանիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով ВАЗ 21010-ի վարորդն ու նրա ուղևորներ՝ 25-ամյա Ռազմիկ Ավանեսյանը, 31-ամյա Արտյուշա Եղյանը և 23-ամյա Սարգիս Խուբեսարյանը մարմնական վնասվածքներով տեղափոխվել են Էրեբունի և թիվ 1 համալսարանական բժշկական կենտրոններ։

Դեպք վայր են ժամանել Արտակարգ իրավիճակների նախարարության Փրկարար ծառայության թիվ 3 հրշեջ-փրկարարական ջոկատը՝ 1 մարտական հաշվարկով։ Ժամանել են նաև Երևանի Ճանապարհային Ոստիկանության ծառայողները։ Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արշակ Գրիգորյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության ևվարչական վարույթի իրականացման բաժանմունք, որտեղից ժամանել է հետաքննչական խումբը՝ բաժանմունքի պետ Ալբերտ

Նազարյանի գլխավորությամբ։ Տեղում աշխատանքները ղեկավարել է նույն բաժանմունքի հետաքննիչ Գեղամ Ծառուկյանը, ում կողմից փաստի առթիվ նյութեր են նախապատրաստվում։ Դեպքի վայրում ծառայություն են կատարել նաև Ոստիկանության Երևան քաղաքի վարչության պարեկապահակային ծառայութան գնդի 3-րդ հատուկ գումարտակի ծառայողները՝ Ռոման Գևորգյանի գլխավորությամբ։ Օպերատիվ են գործել նաև Երևանի 1-03 շտապօգնության բրիգադները։ Ըստ նախնական տեղեկությունների՝ վթարի մեղավորը եղել է ВАЗ 21010-ի վարորդը, ով դուրս է եկել ճանապարհի հանդիպակաց երթևեկելի գոտի, բախվել բետոնե հատվածին, գլխիվայր շրջվել և առաջ ընթանալով՝ բախվել Mercedes-ին։

Վիրավորներին, մինչև փրկարարների ժամանումը, ավտոմեքենայից դուրս են բերել քաղաքացիներն ու Երևանի Ճճանապարհային ոստիկանները։ Հետաքննիչի հանձնարարականով ավտոմեքենաները տեղափոխվումեն Երևանի ՃՈ պահպանվող հատուկ տարածք։ ՃՈ-ն ու հետաքննչական բաժանմունքը պարզում են վարորդների ինքնությունը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Գագիկ Շամշյանի