Հայտնաբերվել է Սևանա լճում կորած քաղաքացիներից մեկի դին

Սևանա լճում կորած քաղաքացիներից մեկի դին հայտնաբերվել է, տեղեկացնում է Արտակարգ իրավիճակների նախարարությունը:

Մայիսի 23-ին, ժամը 08։33-ից Սևանա լճում որոնողական աշխատանքները վերսկսվել են, ինչի արդյունքում ջրափրկարարները Ծովինար գյուղի ափամերձ հատվածում հայտնաբերել են Ա. Ս.-ի դին (ծնված 1968 թ.), նշված է հաղորդագրության մեջ:

Սևանա լճում որոնողական աշխատանքները շարունակվում են։

Մայիսի 6-ին ժամը 18:16-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Վարդենիկ-Զոլաքար գյուղերի ափամերձ հատվածից երկու քաղաքացի նավակով դուրս են եկել Սևանա լիճ և չեն վերադարձել։

Մինչ օրս որոնողական աշխատանքներն արդյունք չէին տվել:

Հավանեցի՞ք նյութը, կիսվեք մտերիմների հետ.