Ավելի քան 1000 ուկրաինացի զինվոր կամավոր հանձնվել է Մարիուպոլում, այդ թվում՝ 162 սպա և 47 կին զինծառայող։ Այս մասին հայտարարել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, փոխանցում է ТАСС-ը։
Նրա խոսքով, մետալուրգիական կոմբինատի տարածքում, Դոնեցկի Ժողովրդական Հանրապետության և ՌԴ զինված ուժերի միլիցիայի ստորաբաժանումների հաջող հարձակողական գործողությունների արդյունքում «կամավոր վայր է դրել զենքերը և գերության է հանձնել 36-րդ ծովային բրիգադի 1026 զինծառայողի»։
«Ուկրաինայի զինված ուժերի հանձնված զինծառայողների թվում կա 162 սպա, ինչպես նաև 47 զինծառայող»,- հավելել է Կոնաշենկովը։
Նա հայտնել է, որ 36-րդ ծովային բրիգադի 151 վիրավոր ուկրաինացի զինծառայողներ առաջնային բուժօգնություն են ստացել տեղում, որից հետո բոլորը տեղափոխվել են Մարիուպոլի քաղաքային հիվանդանոց՝ բուժման համար։
Հիշեցնենք, որ փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»:
ԱՄՆ-ն ու ԵՄ-ն գնահատել են ՌԴ-ի այս քայլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
Գերագույն Ռադան Ուկրաինայում ռազմական դրություն է մտցրել։
