ՀՀ Ազգային հերոս, ՀՀ Ազգային ժողովի նախկին նախագահ Կարեն Դեմիրճյանի կնոջ՝ Ռիմա Դեմիրճյանի հոգեհանգստի արարողությունը տեղի կունենա վաղը՝ դեկտեմբերի 24-ին, Կոնդի Սուրբ Հովհաննես եկեղեցում: Իսկ հուղարկավորությունը՝ շաբաթ օրը՝ դեկտեմբերի 25-ին՝ ժամը 13:00-ին: Ռիմա Դեմիրճյանի աճյունը կամփոփվի Քաղաքային պանթեոնում:
Այս մասին «Հայկական ժամանակ»-ի հետ զրույցում հայտնեց Դեմիրճյանների որդին՝ Ստեփան Դեմիրճյանը:
Հիշեցնենք, դեկտեմբերի 21-ին հայտնի դարձավ, որ մահացել է ՀՀ ազգային հերոս, քաղաքական պետական գործիչ Կարեն Դեմիրճյանի կինը՝ Ռիմա Դեմիրճյանը։ Նա 88 տարեկան էր: Ռիմա Դեմիրճյանը տնօրինում էր «Կարեն Դեմիրճյան» բարեգործական հիմնադրամը:
Նա երկար տարիներ դասավանդել է պոլիտեխնիկական համալսարանում:
