«Քաղաքացիական գիտակցության» ՀԿ նախագահ Նարեկ Սամսոնյանին մեղադրանք է առաջադրվել:
Այս մասին Araratnews.am-ի հետ զրույցում հայտնեցին ՀՀ քննչական կոմիտեից՝ հավելելով, որ Սամսոնյանը ձերբակալվել է:
Նրան մեղադրանք է առաջադրվել ՀՀ քրեական օրենսգրքի 137.1 հոդվածի երրորդ մասի հատկանիշներով (Ծանր վիրավորանքը, որը կատարվել է միևնույն անձի նկատմամբ պարբերաբար):
Ավելի վաղ հայտնել էինք, որ Սամսոնյանն առավոտյան բերման էր ենթարկվել: «Հայկական ժամանակի» հետ զրույցում ՀՀ ոստիկանությունից հայտնել էին, որ «Նարեկ Սամսոնյանը բերման է ենթարկվել ոստիկանության Նոր Նորքի բաժին հարուցված քրեական գործի շրջանակում և փոխանցվել նախաքննական մարմնին»:
