ՀՀ ոստիկանության անձնագրային և վիզաների վարչության պետ, ոստիկանության գնդապետ Մնացական Բիչախչյանը ֆեյսբուքյան էջում գրել է․
«Մինչև 16 տարեկան երեխայի անձնագրավորման համար կարող է դիմել նաև ծնողի կողմից լիազորված անձը: Լիազորագիրը պետք է վավերացված լինի նոտարի կողմից»։
Իսկ ավելի վաղ էլ նա գրել էր․
«ԻՐԱԶԵԿՈՒՄ
Մինչև 16 տարեկան երեխայի անձնագրավորման համար կարող է դիմել նաև ծնողի կողմից լիազորված անձը
Ինչպես գիտենք մինչև 16 տարեկան ՀՀ քաղաքացի երեխայի անձնագիր ստանալու համար անձամբ պետք է դիմի ծնողը կամ այլ օրինական ներկայացուցիչը:
Երեխայի ներկայությունը անձնագրային ծառայությունում պարտադիր չէ:
Պրակտիկայում շատ են դեպքերը, երբ դիմումատու քաղաքացին գտնվում է օտարերկրյա պետությունում, դիվանագիտականծառայությունից բավականին հեռու և ավելի հարմար է լիազորված անձի միջոցով դիմել ՀՀ անձնագրային ծառայություն:
Մինչև 16 տարեկան երեխայի անձնագրավորման համար կարող է դիմել նաև ծնողի կողմից լիազորված անձը:
Ծնողի դիմումը պետք է հաստատված լինի նոտարական կարգով և պետք է առկա լինի լիազորագիր, համաձայն որի ով է հանդես գալու անձնագրային ծառայությունում:
Այս երկու փաստաթղթի փոխարեն կարող է լինել մեկը՝ նոտարական կարգով հաստատված լիազորագիր, որում նշված կլինի դիմող ծնողի և երեխայի տվյալները, ծնողի կամարտահայտությունը, որ ցանկանում է ստանալ երեխայի համար անձնագիր և այն անձի տվյալները, ով իր փոխարեն ներկայանալու է անձնագրային ծառայություն»։